Пациент почина во болница откако на дијализа му бил вбризган дезинфисиенс

62-годишен пациент од Чаковец, Хрватска почина за време на хемодијализа, затоа што за време на постапката примил погрешно средство, соопшти денеска болницата во тој град. Во соопштението кое го пренесуваат медиумите во Хрватска се наведува дека врз пациентот, кој бил во самоизолација поради контакт со заболен од коронавирус, на 29 септември била извршена рутинска терапија на хемодијализа.

„За време на постапката интравенски е применето недозволиво средство кое инаку рутински се применува локално кај такви и слични постапки. И покрај моментално преземените мерки за максимално интензивно и реанимациско лечење, настапи мултиорганско затајување на органите и смрт на пациентот, па е индицирана обдукција“, се наведува во соопштението.

Министерот за здравство Вили Берош во Загреб изјави дека во болницата е испратена здравствена инспекција и оти постои сомнеж за стручна грешка.

Можеби ќе ве интересира: