Започна и пролетниот дел од машката пионерска лига во ракомет. Во дербито на колото во Кавадарци, домашниот состав, Тиквеш им го нанесе четвртиот пораз во сезоната на велешани со резултат 20:12.
Ова беше трет меѓусебен натпревар оваа сезона на овие две екипи, и кавадарчани досега се поуспешни со две победи на домашен терен, додека во Велес, Фруитленд Борец го доби натпреварот со резултат 18:16.
По ова девето коло, велешани останаа на третата позиција, место кое не носи во четвртфиналето на ова натпреварување. Во следното коло, пионерите на Фруитленд Борец се слободни.
