Фудбалерите на Борец 1919 одново ги разочараа своите симпатизери. По минатонеделниот голем бод од Куманово, сите на Градскиот стадион „Зоран Паунов“ во Велес очекуваа триумф на конкурентот за опстанок во лигата, прилепска Победа. Сепак иако со играч помалку, прилепчани ги освоија трите бода, совладувајќи го Борец со резултат 1:0.
Натпревар без многу шанси, и многу прекини. Велешани имаа играч повеќе од 70 минута кога беше исклучен Петровски, но ни тоа не донесе резултат. По една грешка на домашната одбрана во 86 минута, Димовски донесе радост за Победа.
Нареден натпревар за Борец 1919 е гостувањето во Новаци кај истоимената екипа.
