Почина 35-годишен велешанец од коронавирус

Велешанец на возраст од 35-години почина вчера попладне на инфективното одделение на велешката болница. Оттаму велат дека пациентот имал позитивен тест на ковид, седум дена се лекувал во болница, а не бил вакциниран. Тој е најмладата жртва на коронавирусот во Велес, каде што од почетокот на пандемијата до сега починаа 185 граѓани.

Во меѓувреме, се полнат болничките кревети во велешката болница. Денеска од ковид таму се лекуваат 44 пациенти, од кои 39 се на инфективното одделение, а петмина се на интерното одделение. Од нив, 34 се со позитивен тест, девет се сомнителни, а еден пациент има негативен тест, но е задржан на болничко лекување. На кислородна поддршка се 25 пациенти. Денеска се испишани и шестмина оздравени пациенти.

Содржината продолжува под рекламата

Од почетокот на пандемијата до денеска во Велес се заразија 5731 граѓанин, од кои 5335 се излекуваа, а се уште активни се 212 случаи.

Можеби ќе ве интересира: