Пронајдено телото на мажот по кој се трагаше во водите на Вардар

Екипа составена од полициски службеници и пожарникари која од утрово трагаше по маж во водите на Вардар, нашле безживотно тело на маж.

Непотврдени информации посочуваат дека станува збор за 45 годишен гостиварец по кој се трагаше од ноќва по полноќ и дека неговиот идентитет го потврдиле роднини кои биле вклучени потрагата.

Како што претходно известивме, ноќеска околу полноќ, жители на Гостивар пријавиле дека од мостот кај гостиварскиот пазар во Вардар скокнала прво жена, а потоа и маж. Настанот веднаш бил пријавен во полиција, а освен полицајците, на помош пристигнале и пожарникарите, но и граѓани, кои цела ноќ трагале по исчезнатите.

Безживотното тело на девојката било најдено кај селото Старо Чајле, околу четири часот по полноќ покрај брегот на реката Вардар. На местото пристигнала брза помош каде само ја потврдиле смртта кај жената.

Засега не се познати околностите кои довеле до трагичниот настан. Надлежните истражуваат дали помеѓу мажот и жената имало поврзаност и која била причината за трагедијата. Двете тела се дадени на обдукција.

Можеби ќе ве интересира: