Судијката Софија Лаличиќ од денеска е разрешена. Судскиот совет денеска донел одлука за нејзино разрешување, а одлуката за разрешување на судијката била донесена со 11 гласа „За“ и два гласа „Против“.
„Донесена е Одлука со која еден судија се разрешува од вршење на судиската функција поради нестручно и несовесно вршење на судиската функција и истовремено донесена е Одлука со која времено се оддалечува од вршење на судиската функција до правосилно завршување на постапката“, стои на веб страницата на Судскиот совет.
Инаку сега веќе поранешната судијка Софија Лаличиќ се спомнуваше во една од „бомбите“ што ги објавуваше тогашната опозициска СДСМ од нелегалното масовно прислушување. Во истиот разговор се спомнуваше и поранешната претседателка на Основниот суд Скопје 1, Лидија Неделкова, која неодамна, исто така, беше разрешена од врховна судијка.
Можеби ќе ве интересира:
