САД и официјално се повлекува од (СЗО) по наредбата на претседателот Доналд Трамп, кој ја обвини организацијата за лошо раководење со пандемијата на Ковид-19.
„Конгресот прими известување дека претседателот Трамп и официјално ги повлекол САД од Светската здравствена организација. Ова нема да ги заштити животите или интересите на Американците, туку ја остава Америка сама и болна“, напиша сенаторот Роберт Менендес на Твитер.
Стејт департментот исто така потврди дека известување за повлекувањето, кое стапило на сила на шести јули, било испратено до генералниот секретар на ОН.
Американскиот претседател во април објави дека САД ќе запрат да уплаќаат средства во буџетот на СЗО, а веќе следниот месец најави и повлекување од членството, тврдејќи дека Кина има целосна контрола врз неа и дека таа не успеала да се справи со Ковид-19.
Можеби ќе ве интересира:
