Сè уште се трага по преживеани по вчереашниот земјотрес во Турција

Најмалку 26 жртви однесе вчерашниот силен земјотрес, кој го погоди егејскиот брег на Турција и источниот грчки остров Самос, а повредени се повеќе од 800 луѓе, пренесува новинската агенција АП. Спасувачките и медицински екипи се во потрага по преживеани во разурнатите згради во Измир, трет по големина град во Турција, кој е најмногу погоден во земјотресот.

Вчерашниот земјотрес со јачина од 6,6 степени сруши згради во Измир, третиот по големина град во Турција, и предизвика мало цунами во областа Шеферихисар и на островот Самос. По силниот земјотрес имаше и стотици афтершокови.
Најмалку 25 луѓе загинаа во Измир, вклучувајќи и постара жена, која се удави, според турските власти. Двајца тинејџери загинаа на островот Самос.

Малото цунами што го погоди турскиот брег на Егејското море ги поплави улиците во градот Вати, а властите ги предупредија граѓаните да одат подалеку од брегот и од потенцијално оштетените објекти.

Можеби ќе ве интересира:

Ковид состојбата урива рекорди од ден на ден