КМФ Форца ја оправда улогата на фаворит и во спортската сала „Гемиџии“ во Велес и со пресврт во вториот дел му го нанесе 8 пораз на велешкиот состав Кеги Моби со резултат 3:5, полувреме 2:1.
Актуелниот шампион на Македонија, екипата на Форца дојде во водство во 9 минута преку Таулант Исмаили, но пред крајот на првиот дел, велешани, најпрво преку Гаштев во 17 минута израмни, а Тале Трајков во 19 минута донесе воство за Кеги Моби од 2:1.
Во вториот дел, гостите за две минути го свртеа резултатот во нивна корист преку Рамадани во 25 минута и Зекири во 26 минута. Јунузи во 32 зголеми на 4:2, а во 36 минута Левески донесе предност од 5:2. До крајот на натпреварот, Тале Трајков со својот втор погодок го ублажи поразот на велешани.
По 12 одиграни кола, КМФ Кеги Моби е на последната позиција на табелата со 8 освоени бода и го очекува тешка битка за опстанок во Првата македонска футсал лига.
