Шест новoзаразени со коронавирус во Велес

Шест нови заразени со коронавирус во Велес се регистрирани во последните 24 часа, објави Министерството за здравство. Со ова, вкупната бројка на инфицирани лица со коронавирус во Велес изнесува 24.

Според информациите на оваа телевизија, во земјава во последното деноноќие се регистрирани 49 нови случаи, позитивни на коронавирусот.

Двајца пациенти позитивни на Ковид-19 починале од компликации поради инфекцијата, еден од Куманово и еден од Прилеп. Со ова, вкупниот број на починати лица достигна 34 лица.

Освен шесте случаи во Велес, во Куманово се регистрирани 14 новозаразени, во Скопје 13, Прилеп има осум, шест во Штип и по еден случај во Кочани и Гостивар.

Со ова вкупната бројка на дијагностицирани пациенти со Ковид-19 во нашата земја изнесува 760 лица.