Пред фудбалерите на Борец 1919 се двата можеби најбитни натпревари кои може да одлучат за судбината на клубот. Утре на распоредот е 20 коло од Втората фудбалска лига, а велешани ќе гостуваат кај фенерџијата на табелата, екипата на Вардарски од Богданци.
Добрите игри во пролетниот дел, не останаа незабалежани кај љубителите на фудбалот во Велес, па така со цел подршка во борбата за опстанок, симпатизерите на клубот организирано ќе заминат да го бодрат клубот на гостувањето во Богданци.
Борец е во добар цилус во пролетниот дел, под водство на новиот шеф на стручниот штаб Горан Симов, откако во воведните 4 кола има една победа, две ремија и само еден пораз. На првиот натпревар во Велес, Борец го совлада Вардаски со 3:1. Натпреварот започнува во 14 часот на Градскиот стадион во Богданци.
