Денеска времето ќе биде променливо. Претпладне се очекува сончево со умерена облачност, додека попладне ќе преовладува променливо облачно време, со услови за нестабилност во повеќе делови од земјата.
Како што информира Управата за хидрометеоролошки работи (УХМР), попладне ќе има локален пороен дожд, грмежи, а на одредени места е можно и појава на невреме со поројни врнежи, засилен ветер и изолирана појава на град.
Минималната температура ќе се движи од 6 до 11 °C, додека максималната ќе достигне од 19 до 26 °C.
Во текот на целата седмица, под влијание на влажна и нестабилна воздушна маса, ќе преовладува променливо облачно и нестабилно време со повремени врнежи и грмежи. Локално се очекуваат поинтензивни атмосферски процеси со пороен дожд, силен ветер и појава на град.
