![bolnica kavadarci](https://batali.net/wp-content/uploads/bolnica-kavadarci.jpg)
37-годишна жителка на кавадаречкото село Бегниште е тешко повредена на работно место. Таа вчера околу 16 часот е донесена во кавадаречката болница, соопшти полицијата.
„На 27.05.2020 во 16.05 часот во Полициска станица Кавадарци било пријавено дека во Општата болница Кавадарци била донесена со тешки телесни повреди М.Д.С.(37) од с.Бегниште која се повредила при извршување на работни задачи во фирма во Кавадарци. За настанот е известен јавен обвинител и трудов инспектор, а увид на местото на настанот извршила екипа од Полициска станица Кавадарци“, велат од СВР Велес.