На традиционалниот турнир во Кратово, викендов, велешани се покажаа во одлично светло. ППК “Борец-Тим” настапи со осум играчи и беше најбројна екипа, но исто така беа поддржани и од голем број навивачи кои специјално дојдоа од Велес и кои создадоа одлична атмосфера.
Досега најголем успех постигна Ване Трајковски кои го освои третото место и бронзен медал. Тој во директна борба за медал го победи во голем стил неговиот клубски колега Зоран Леов. Покрај нив во четврт финалето се пласира и Вили Ангелов.
Одлични настапи и пласман во осмина финале имаа Богдан Митушев, Ненад Диниќ и Дејан Шопов кој го имаше своето деби како активен натпреварувач. Групната фаза не успеаја да ја поминат Трајче Унчев и Зоран Џоневски.
