Фудбалерите на Борец 1919 потфрлија кога најмногу требаше. На гостувањето во Богданци, кај фенерџијата на табелата составот на Вардаски тие се поразени со резултат 2:0, полувреме 1:0.
Ниту подршката од трибините не ги мотивираше велешани да ги освојат трите бода и се изедначат со Осогово на местото кое обезбедува бараж натпревар за опстанок во лигата, а и резултатите кои му одеа во прилог за да се приближи бодовно до место кое обезбедува сигурен опстанок. Стрелци за домашниот тим беа Милош Спасовски во 42. минута и Давид Ашовалиев во 78. минута.
На поправен испит ќе бидат веќе наредното коло, кога во Велес ќе гостува екипата на Осогово во натпревар кој мора да се добие. По 20 одиграни кола, Борец е на 15 место со 10 бода, три помалку од Осогово кој има 13 бода.
