Важна победа за Борец Баскет во борбата за плејоф

Борец Баскет останува во трката за плеј оф во Втората кошаркарска лига исток. Во заостанат натпревар од 13 коло вчера во Велес тие беа подобри од Струмица со резултат 74:71.

Кошаркарите на Борец Баскет изиграа променливо во текот на целиот натпревар. Првата четвртина ја добија со 20:14, но во втората четвртина следуваше пад во играта. Тоа го искористија гостите, и на полувреме се отиде со водство на Струмица од 29:34.

Во третата четвртина домашните ја засилија одбраната, а и шутот добро им одеше, па така тие резултатски се одлепија и четвртината заврши со високи плус 15 за Борец Баскет 57:42.

И кога се очекуваше рутински да го доиграат мечот, повторно пад во играта и многу грешки. Гостите тоа го искористија, и во последните минути дури дојдоа и до предност од еден поен. Сепак искуството на домаќините беше пресудно па на крај беа посигурни од линијата за слободни фрлања и дојдоа до посакуваната победа.

За Борец Баскет останува уште натпреварот против третопласираната екипа на Шкупи, кој мора да го добие за да разигрува во плејоф.

Можеби ќе ве интересира: