Велешанец починал од повреда во несреќен случај, на рентген му е откриен и коронавирус

Велешанец на 65-годишна возраст денеска почина на Клиниката за анестезија, реанимација и интензивно лекување (КАРИЛ) во Скопје. Тој вчера имал несреќен случај, по што му пукнала аорта. Неговата рентген снимка направена во велешката болница синоќа покажала дека освен дисекција на аортата, имал и наод на бели дробови, карактеристичен за ковид-19, по што сомневањата ги потврдил и тестот за коронавирус.

Повредениот велешанец синоќа околу 20 часот беше итно префрлен на КАРИЛ, но во процедура која предвидува транспорт на ковид пациенти. И покрај напорите на лекарите од КАРИЛ, тој денеска почина.

Уште еден пациент позитивен на коронавирус на 58-годишна возраст од инфективното одделение на велешката болница денеска е префрлен на лекување во Скопје. Неговото семејство барало тој да биде транспортиран во приватната клиника „Жан Митрев“.

На Инфективното одделение во велешката болница во моментов се лекуваат 28 пациенти, од кои 26 се потврдени позитивни на ковид-19, а двајца се водат како сомнителни случаи. Од нив девет пациенти добиваат кислородна поддршка.

Можеби ќе ве интересира: