Александар Златаров го освои 20-то место на најатрактивната трка “Тигров скок” која се одржува на реката Нуџианг во градот Лушуи, Кина. Првото место го освои швајцарецот Емануел Пит Рохер, а на подиумот се искачија уште Давид Љоренте од Шпанија, како второпласиран и Ву Ксингианг од Кина.
Вчера, Златаров го освои 4-то место во категоријата групен рафтинг заедно со Маринко Анже од Словенија и хрватите Јосип Слошњак и Зое Грзин Алба, а во категоријата кајак крос натпреварите ги заврши во четвртфиналето.
На првиот ден од натпреварувањето Александар Златаров го освои девето место во категоријата кајак спринт. Златаров како член на ККК Арка Борец- Велес беше единствен преставник од Македонија.
