Младиот велешки ракометар, Јован Атанасовски кариерата ја продолжува во штипскиот ракометен прволигаш Текстилец. Атанасовски игра на позицијата лево крило и по откажувањето на Борец од натпреварувањето на стартот од сезоната премина во екипата на Кичево.
Екипата на Текстилец од Штип се наоѓа на осмата позија во ракометната Прва лига Група „Б“ со само две победи во првенството. Со новите засилувања и новиот тренер, штипјани очекуваат да го подобрат пласманот во лигата.
Деби на Атанасовски за новиот клуб се очекува да има веќе денес, кога во спортската сала на ООУ „Тошо Арсов“ во Штип ќе гостува еден од претендентите за влез во ракометната Супер лига, екипата на Младост од Богданци.
