![](https://batali.net/wp-content/uploads/332121582_1591746874580133_4218430406213404795_n.jpg)
Капитенот на националната футсал селекција велешанецот Дарко Ранготов објави дека ја завршува својата долгогодишна и крајно успешна репрезентативна кариера. Ова го потврдија на својата фејсбук страна и од клубот во кој настапува КМФ Проект.
На последниот натпревар кој го одигра во дресот на Македонија постигна два погодоци против Шведска, на дуелот за пласман за светското футсал првенство 2024, во победата на Македонија од 3:1, а пред почетокот на средбата доби признание од ФФМ за неговиот огромен репрезентативен придонес.
Содржината продолжува под рекламата
Неговата клубска кариера е импресивна. Во домшното футсал првенство има играно за КМФ Велес, КМФ Гемиџии од Велес, КМФ Хедис, КМФ Железарец, а во моментов е играч и капитен на КМФ Проект. Покрај во домашното футсал првенство, како интернационалец кратко играше во Либан и две успешни сезони во екипата на Сквер од Дубровник, Република Хрватска.
На клубско ниво, екипно има освоено 6 шампионски титули, како и 5 КУП трофеи, а од ФФМ еднаш беше прогласен за најдобар футсал играч во Македонија. За националниот футсал тим има одиграно 111 натпревари, на кои постигна 50 погодоци.
Можеби ќе ве интересира: