Велешани немаа решение за Ташев и Кузманов, нов пораз за ракометарите на Борец

Уште еден пораз на домашен терен забележаа ракометарите на Борец. Подобри од нив беа ракометарите на Вардар од Неготино со резултат 25:33, полувреме 10:17. Ова беше седми пораз во сезоната за велешани.

Содржината продолжува под рекламата

Од самиот старт гостите го контролираа резултатот, поведоа со 1:4, а потоа се играше гол за гол. Потоа следуваше пад во играта кај домаќините кога од 17 минута па до крајот на првиот дел постигнаа само еден погодок. Тоа го искористија ракометарите на Вардар и резултатски се одлепија за плус седум на полувреме.

Содржината продолжува под рекламата

Во вториот дел со малку поагресивна одбрана велашани се обидоа да се вратат резултатски во игра, но техничките грешки во нападот не го дозволија тоа, а Вардар Неготино рутински го сведоа натпреварот во нивна корист за важна победа во борбата за првото место во групата А од Првата лига.

Содржината продолжува под рекламата

Во составот на Борец се истакна Лазар Стојанов кој постигна осум гола, додека кај гостите од Неготино најефикасни беа Ѓорги Ташев со осум гола и Драган Кузманов со седум погодоци.

Можеби ќе ве интересира: