Четата на Сашко Радевски продолжува да реди победи во кадетската ракометна лига. Во дерби натпреварот од осмото коло на кадетската ракометна лига, Фруитленд Борец на гостински терен го совлада составот на Македонија Ѓорче Петров со резултат 32:29.
Резултатот беше изедначен се до 5:5, а потоа со три последователни погодоци на велешани, кои се покажаа како клучни, Фруитленд Борец дојде до предност од три гола која не ја испушти до крајот на овој натпревар.
Андреј Зафиров постигна осум, додека Давид Стојановски постигна шест кај Фруитленд Борец, кај домашниот состав незапирлив бешеНикола Кузевски кој постигна 16 погодоци. Во недела на програмата е дербито на досега непоразените екипи во лигата, Фруитленд Борец и Еурофарм Пелистер. Натпреварот ќе се одигра во спортската сала на ООУ „Блаже Конески“ со почеток од 12 часот.
