(ВИДЕО) Дебакл на Борец против „гипсарите“

Продолжува агонијата на Борец. Ниту тренерска смена не донесе позитивни ветришта во клубот. Денес на стадионот „Зоран Паунов“ беа декласирани од Ренова со резултат 1:4.

Натпреварот беше решен во првите 27 минути кога гостите поведоа со 0:3. Стрелци на головите беа Али во 11 минута, Селмани во 14 минута и Мена Перез во 27 минута, кој го совлада голманот Рниќ , по асистенција на Шефити. 

Содржината продолжува под рекламата

Домашниот тренер Јане Николоски реагираше со три измени на полувремето. Неговата екипа доби на свежина, во обид да го ублажи поразот. Гостите им ја препуштија играта на противниците, кои играа да постигнат барем гол за утеха. Наместо тоа дозволија нова контра и печат на победата со вториот гол на Селмани. Во последните минути погоди Ѓорѓи Ѓорѓиев и донесе мала радост кај велешани.

Содржината продолжува под рекламата

По ова 14 коло Борец остана на претпоследното 11 место со освоени осум бода, а во наредното коло гостува на штипска Брегалница.

Можеби ќе ве интересира: