Силен земјотрес и денеска ја погоди Хрватска, а епицентарот на потресот со јачина од 6,2 степени беше во близина на Петриња, но тој силно бил почувствуван низ целата земја, а и во регионот.
Во земјотресот што предизвика големи рушевини во Петриња загина 12-годишно дете потврди градоначалникот Даринко Думбовиќ.
Градоначалникот во својата прва изјава рече дека половина град е уништен и побара итна помош да биде испратена до Петриња.
„Извлековме мало дете од четири години, градот е уништен, не може повеќе да се живее во него. Катастрофа, мајките плачат за своите деца, не знам што е во една градинка, што во другата. Сопругата ме бара, нешто ѝ паднало на глава. Ни треба помош, потребни ни се итни служби“, нагласува Думбовиќ.
Првите извештаи покажуваат дека има повредени и дека материјалната штета е голема. Освен Петриње, материјални штети има и во Сисак.
Во најтешко погодениот град пристигнуваат и 300 припадници на хрватската војска. Локалните власти бараат граѓаните да ги користат своите лични возила само во итни случаи.
Можеби ќе ве интересира:
