![Astra Zeneka](https://batali.net/wp-content/uploads/astra-zeneka-vakcina-kovid.jpg)
Министерот за здравство Венко Филипче рече дека не е вистина дека се плаши да се вакцинира и уште на почетокот на процесот, рече дека ќе се вакцинира кога ќе стигнат поголемите количини на вакцини.
„Имаме датуми, но ги земаме со резерви. Имаме еден тајмлајн со кој сме внимателни како го споделуваме.“ – рече Филипче.
Министерот рече дека се случува се одложат на два механизми преку кои се очекуваше да стигнат вакцините.
„Тоа е ковакс-механизмот. Сега имаме некаква најава и ова ќе го кажам со резерва. Дека дозите ќе стигнат на 31 март и на 15 април, вкупно 100 000, но и тие го кажуваат со одредена резерва, зошто не се сигурни. Ова ќе биде количина на „АстраЗенека“ вакцина, дека ќе стигнат од производителот и укажува дека ќе има неколкунеделно доцнење.“ – рече Филипче.
И кинеските вакцините според најавите се очекуваат до 31 март, но и тоа се зема со доза на резерва рече Филипче. Важно е дека системот е подготвен, дека се знаат групите кои се пријавени и како ќе се спроведува вакцинирањето.
Тој во вчерашното гостувате на телевизија 24 рече дека Европската агенција за лекови (ЕМА) е релевантна институција која потврди дека не станува збор за компликации или причинско последични врски од примената на вакцината „Астра Зенека.
„Националните агенции за лекови на тие земји каде што имаше такви несакани ефекти од таа вакцина, преземаа мерки на внимателност и привремено го запреа вакцинирањето. Нормално е да бидат внимателни и да се утврди точната причино-последнична врска.“ – рече Филипче.
Министерот потенцираше дека кај нас следиме две работи. Се води сметка вакцините да се испитани и да имаат соодветни сертификати за квалитет кој се издава од страна на производителот и потврдени од регулаторните тела. Се сублимираат резултатите и публикациите од сите релевантни агенции.
Можеби ќе интересира: