Синдикатот на фудбалери на Македонија реагира на одлуката на Фудбалската федерација на Македонија да се доигра прекинатото првенство во првата лига. Првиот човек на синдикатот Панче Ќумбев вели дека решение за првенството мора да има, но мора и да се води сметка за здравјето на фудбалерите.
Ќумбев најави дека веќе почнал скринингот со тестирање за коронавирус кај клубовите. Тој вели дека играњето во ритам два пати во неделата во летниот период, кога температурите ќе бидат неподносливи ќе биде многу тешко. Првиот фудбалски синдикалец смета дека во Македонија нема услови за играње на летни горештини. Освен Градскиот стадион во Скопје и донекаде стадионите во Струмица и Штип, остатаните немаат услови за играње во вечерен термин.
„Најтешко ќе им биде на тренерите во такви услови да ги подготват екипите за натпреварите, по пауза од два месеци, кога играчите, освен индивидуални, немале тимски тренинзи“, вели Ќумбев.
Управниот одбор на Фудбалската федерација на Македонија вчера одлучи да се доигра првенството само во Првата лига, но само последните четири кола, без да се игра третиот круг од натпреварувањето. Потоа ќе следи одигрување на натпреварите од плеј оф кој ќе го реши шампионот, но и екипите што ќе ја претставуваат земјава во фудбалска Европа. Плеј аутот нема да има никаков нетпреварувачки карактер, бидејќи ќе нема излегување од лигата.
Погледнете ја изјавата на Панче Ќумбев – претседателот на Синдикатот на фудбалери на Македонија:
