(ВИДЕО) Почна вакцинацијата против коронавирусот во Србија, прва се вакцинираше премиерката Ана Брнабиќ

Ана Брнабиќ премиерката на Србија го означи почетокот на вакцинирањето против коронавирусот во соседна Србија, откако прва ја прими вакцината на „Фајзер/Бионтек“ во Институтот за вирологија и вакцини „Торлак“ во главниот град Белград.

Во Србија пред два дена пристигнаа првите 4.875 дози од вакцината на „Фајзер“ и од министерството за здравство најавија дека во јануари ќе добијат уште 21.000.

Покрај нив, денеска ќе бидат вакцинирани и првите граѓани, штитеници на домовите за стари лица во Белград и Нови Сад, а од утре и во Ниш, а освен штитениците во домовите за стари лица, ќе се вакцинираат и здравствените работници.

Вакцините ќе бидат доставени во „Торлак“ од министерот за труд и член на кризниот штаб, епидемиологот д-р Дарија Кисиќ Тепавчевиќ, како и членот на кризниот штаб, епидемиологот д-р Предраг Кон.

Првите количини на вакцината во Србија пристигнаа во вторникот, а денеска ќе ги примат корисниците на домови за стари лица во Белград и Нови Сад.

Србија е прва земја во регионот што ја доби вакцината од компаниите „Фајзер“ и „БиоНТек“.

Можеби ќе ве интересира: