(ВИДЕО) Траект спаси тригодишно девојче кое морската струја го одвлекло кон отворено море во Грција

Тригодишно дете денеска е спасено, откако капејќи се со гума кај грчката плажа на Антирио, морските струи го одвлекле далеку од брегот. Вистинска среќа е што траектот „Саламиномахос“, кој поминувал во близина веднаш се впуштил во спасувачка мисија.

Капетанот на фериботот, Григорис Карнезис утрово добил сигнал од пристаништето дека девојче во својата гума за капење плови неконтролирано кон отворено море. Тој го насочил пловилото кон девојчето и спасувачите од траектот успеале тригодишното девојче да го извадат од морето. Според нив, детето е во добра здравствена состојба.

Во изјава за медиумите капетанот Карнезес рекол дека во последните 20 дена во овој дел имало голем број случаи на спасување луѓе, кои ги игнорираат силните морски струи што преовладуваат во теснецот во Рио -Антириу.

Настанот се случил близу грчкиот град Патрас, во близина на мостот кој го дели заливот Патрас со Коринтскиот залив, на југот на Грција.

Можеби ќе ве интересира: