(ВИДЕО) Воз кој стои на преминот кај мостот Гемиџии ги отсече двете страни на Велес

Товарен воз кој веќе подолго време стои на пругата во центарот на Велес, кај мостот Гемиџии, направи хаос во сообраќајот и ги отсече двете страни на Велес. Засега е непознато дали се работи за дефект на возот. Полицијата го пренасочува сообраќајот преку Стар мост.

Последниве денови често се случува возот на преминот кај мостот Гемиџии да помине, а рампата да не се спушти. Така беше и денеска, кога цел ден возот поминуваше на крената рампа. Граѓани на социјалните мрежи постојано објавуваат фотографии и снимки, предупредувајќи на внимание.

Содржината продолжува под рекламата

За среќа, возовите кои поминуваат на отворена рампа се движат со минимална брзина и постојано предупредуваат со сирена. Ваквата ситуација е недозволива и Македонски железници мора да го решат проблемот кој често се појавува на градските железнички премини, коментираат велешани.

Содржината продолжува под рекламата

И порано се случуваше возовите да поминуваат на отворени рампи. Речиси секогаш од Македонски железници велеа дека украден кабел за сигнализација и за контрола е причината за неспуштањето на електричните рампи во Велес.

Можеби ќе ве интересира: