Драган Џајиќ ќе биде новиот претседател на Фудбалскиот сојуз на Србија (ФСС), откако Немања Видиќ се повлече од трката. И двајцата се легенди на српскиот фудбал, а се чини дека ден пред изборите во ФФС на Видиќ му стана јасно дека ќе биде поразен.
„Има големи предизвици пред нашиот фудбал. Многу работи мора и можат да бидат подобри. Мојата идеја беше и останува да соберам тим од врвни професионалци кои се способни да ги решат овие предизвици подобро од можеби било кој во Европа. За жал, на секој чекор на патот да станам претседател јасно ми беше ставено до знаење дека нема да ја добијам таа шанса“, рече Видиќ.
„Дефинитивно не сум оптимист што ќе направат со можноста што ја искористија и мислам дека за четири години ќе биде уште потешко од денес. Повлекувањето на мојата кандидатура не значи дека се откажувам од српскиот фудбал. Верувам во мојот тим и нашата визија и за големата помош која ќе ја добиеме од нашите пријатели од врвот на европскиот и светскиот фудбал“, додаде Видиќ и се заблагодари за поддршката.
„Исклучително ми е драго што почувствував голема поддршка од народот. За жал, тие не одлучуваат и немаат право на глас. Сакав да се обединиме, а не да поделиме. Сакав да бидам решение, а не проблем“.
Можеби ќе ве интересаира:
