Со тројка на 12 секунди пред крајот на натпреварот на Виларов, Борец Баскет ја забележа 11 победа во првенството против екипата на Мега Баскет од Прилеп со резултат 75:74. Со оваа победа прктички велешани обезбедија сигурен пласман во плеј оф разигрувањето за влез во Првата лига.
Доста возбудлив и изедначен натпревар на кој беа постигнати вкупно 20 тројки, по 10 на двете страни. Првиот дел го добија гостите по одличната игра во втората четвртина. Велешани заиграа подобро во паузата и веќе на крајот на третата четвртина која ја добија со 23:12, го свртија резултатот во своја корист. Гостите не се предадоа па до крајот се водеше тешка битка на теренот која домаќинот ја доби на 12 секунди пред крај на натпреварот.
Најефикасен во победничкиот табор беше Штерјов со 23 поени, Виларов постигна 17 поени, додека на спротивната страна прво име беше Јаневски, кој впиша 21 поен. Борец Баскет по 19 одиграни кола има учинок од 11 победи и осум порази, а Мега Баскет останува на скор од шест победи и 13 порази.
