Во драматичен натпревар Борец загуби од Македонија Ѓорче Петров

Нов неизвесен натпревар одиграа ракометарите на Македонија Ѓорче Петров и Борец. Победникот се решаваше во последните минути, а на крај на победата се радуваа домќините со резултат 33:31.

Неизвесно и ефикасно се играше од самиот почеток, двете екипи ги реализираа своите напади, а на полувреме се замина со резултат 20:18. Не се промени многу и во второто полувреме, продолжија и двете екипи да погодуваат, па се влезе во неизвесна завршница. Во последните десет минути Борец водеше со 29:30. Творец на пресвртот беше голманот Дејан Трајановски, кој одбрани три шута во овој период.

Содржината продолжува под рекламата

Одлучувачкиот момент во кој Македонија Ѓорче Петров го реши натпреварот се случи во завршницата кога при резултат 32:31 за домаќините ракометарите на Борец не реализираа напад, а на спротивната страната погоди Јаневски Дарко. Тука веќе беше јасно дека бодовите од оваа средба остануваат во Ѓорче.

Содржината продолжува под рекламата

Лазар Стојанов одново беше најефикасен кај велешани кој постигна 11 гола, со по седум гола во редовите на победничкиот тим најефикасни беа Александар Ѓорѓиевски и Божиновски Војислав.

Можеби ќе ве интересира: