Голема трагедија утрово во Гостивар. Дете почина, а една жена е во тешка состојба по пожарот што избувна утрово пред 8 часот во станбена зграда во градот. Пожарникарите го изнеле безживотното тело на детето и 35 годишна жена кои со брза помош биле пренесени во градската општа болница. На ургентното одделение во болницата била констатирана смрт на детето, која наверојатно настанала од задушување.
Градоначалникот на Гостивар Арбен Таравари вели дека детето најверојатно било само кога избуванал пожарот во станот, а според неговите информации неисправна грелака е можна причина за пожарот. Таравари вели дека од општината ќе направат се за да му помогнат на семејството.
Очевидци велат дека кога се појавил пожарот се раширил чад и станарите од зградата на улицата „Кеј Вардар“ почнале да се евакуираат. Во тек е увид на екипа од СВР Тетово и Јавен обвинител за да се утврдат причините кои довеле до трагичниот настан.
Можеби ќе ве интересира:
