Во велешка болница хоспитализирани осум пациенти позитивни на ковид-19

Според извештајот на министерството за здравство во последните 24 часа во Велес се регистрирани шест нови случаи на коронавирусот, a во моментов бројката на активни велешани кои што се заразени со коронавирусот изнесува 35.

Во ковид центарот на велешката болница денес има хоспитализирани пациенти кои се лекуваат од ковид-19.

“Во ковид центарот на инфективното одделение во велешката болница хоспитализирани се осум пациенти, од кои седум се со потврден позитивн тест на ковид-19, додека еден е сомнителен на вирусот. На кислородна поддршка е еден пациент” соопштија од велешката болница.