Времето денеска ќе биде облачно, посвежо и нестабилно со дожд, грмежи и засилен ветер, информираат од УХМР.
Наместа врнежите ќе бидат поројни и пообилни локално (над 20 л/м2 наврнат воден талог), проследени со силни грмежи, силен ветер и услови за појава на град. Минималната температура ќе биде во интервал од 9 до 15, а максималната ќе достигне од 20 до 26 Целзиусови степени.
И в сабота ќе се задржи променливо облачно и нестабилно време, на повеќе места со пороен дожд и грмежи. Локално процесите ќе бидат во форма на невреме со интензивен пороен дожд (за кратко време поголема количина воден талог), силни грмежи, засилен ветер и појава на град.
Од недела ќе има постепено стабилизирање на времето со пораст на дневната температура.
Можеби ќе ве интересира:
