Времето претпладне ќе биде со појава на магла или ниска облачност по одделни котлини.
Во текот на денот сончево и тивко со мала до умерена облачност. Минималната температура ќе биде во интервал од -3 до 3, а максималната ќе достигне од 6 до 11 степени, јавува УХМР.
Во наредните денови следува период на променливо облачно и претежно тивко време со појава на магла и ниска облачност по одделни котлини. Од среда кон крајот на денот и во следните денови ќе има повремени врнежи од дожд, а на планините и на повисоките места од снег.
