Владата на Република Северна Македонија како помош ќе испрати 100.000 евра Република Хрватска, по силниот земјотрес од 6,2 степена кој денеска ја погоди земјата, соопшти премиерот Зоран Заев.
„Солидарноста е првиот порив во овие моменти и ќе пружиме помош согласно потребите“, напиша Заев.
Тој упати силна поддршка до хрватскиот колега Андреј Пленковиќ и до сите хрватски граѓани погодени од земјотресот.
Најпогоден во силниот земјотрес е градот Петриња, на 45 километри југоисточно од Загреб.
Засега нема информации за повредени македонски државјани, a Министерствата за надворешни работи при двете земји се во постојана комуникација.
Mожеби ќе ве интересира:
