Реклама

360 степени: Чулев „уловен“ со службено возило на средба со граѓани во Долно Лисиче

Министерот за внатрешни работи Наќе Чулев вечерва, во екот на изборната кампања во земјава, бил на средба со граѓани во Долно Лисиче, Скопје, како што потврдија и од неговиот кабинет.

Чулев, според информации на „360 степени“, бил на средбата со службено возило, а бил придружуван од најмалку уште едно возило на МВР. Службените возила може да се забележат и на една од фотографиите од настанот. Спорд информациите, станува збор за „шкода супер“ и за „ауди 6“.

Soopstenie 10.07.2020

Законските прописи за избори и за спречување корупција и судир на интереси забрануваат користење на државни ресурси за време на кампањата.

Од кабинетот на Чулев не негираат дека тој отишол на средбата во Долно Лисиче со службено возило, ама посочуваат дека бил таму како министер за внатрешни работи, а не како политичар, ниту, пак, во функција на изборната кампања. Нему како министер за внатрешни работи, како што велат од неговиот кабинет, му следува службено возило и 24-часовно обезбедување.

„Министерот Чулев не е ниту политичар, ниту кандидат на изборите, ниту учесник во кампањата. Тој беше службено на средба со граѓани, како министер за внатрешни работи“, велат од кабинетот на Чулев.

Сепак, на фотографиите од настанот на кој присуствувал Чулев – единствениот член на техничката влада од редовите на опозицијата, може да се забележат симболи на ВМРО ДПМНЕ, наспроти тврдењата дека министерот бил таму службено.

Од ВМРО ДПМНЕ, минатата седмица, соопштија дека ќе се жалат во мисијата на ОБСЕ/ОДИХР затоа што, според нив, претседателот на СДСМ Зоран Заев ги злопотребува државните институции за партиски цели. Како пример за тоа ја посочија посетата на Заев на Штип, каде што тој беше во обиколка на детска градинка и на Клиничката болница.

Премиерот Оливер Спасовски, пак, на стартот на кампањата, порача дека ќе има санкции, ако некој ги злоупотреби државните ресурси за партиски цели.

Извор: 360stepeni.mk

Можеби ќе ве интересира:

Реклами