Чешка со заострени мерки поради зголемен број на граѓани со Ковид-19

Чешка воведе построги правила поради зголемувањето на бројот на нови дневни инфекции со коронавирус, кој надмина 2000.

Ресторани, кафулиња, барови, ноќни клубови и слични објекти можат да имаат гости колку што има места за седење, соопшти чешкото Министерство за здравство.

За настани на затворено со повеќе од 10 лица, секој посетител ќе треба да има одредено место во иднина.

Тоа треба да создаде одредено растојание. Исклучок се изложби и саеми.

Бројот на заразени лица во Чешка расте секој ден, достигнувајќи рекордно ниво во средата со 2139 нови случаи, најмногу од почетокот на пандемијата. Ден претходно имаше 1675.

Досега, 481 лице починало како резултат на Ковид-19 во оваа членка на Европската Унија.

Moжеби ќе ве интересира: