Судот определи 30 дена притвор за дрвокрадците коишто нападнаа полицајци

Судот во Прилеп го прифати предлогот на обвинителството и определи 30 дневен притвор за десет дрвокрадци на возраст од 21 до 57 години, сите од Прилеп, потврдија Обвинителството во Прилеп.

Според надлежните истражни органи по синоќешната претстражана постапка полицијата веќе трага уште по шест од 25 дрвокрадци кои учествувале во нападот на шумските полицајци, a деновиве и тие ќе бидат изведени пред судија на претходна постапка.

Инаку за потсетување, инцидентот се случи во чертвртокот вечерта околу 19 часот и 45 минути, при што 48-годишен полицаец беше тешко повреден, и се уште се наоѓа на скопските клиники. Тешко повредениот полицаец е командир во полициската станица Чашка. Вториот повреден е 51-годишен полицаец, кој има повреда на стомак, се наоѓа на интензивна нега на хирушкото одделение во велешката болница, а останатите тројца полицајци имаат полесни повреди.

Екипа на Батали.нет беше на местото на настанот. Се работи за тешко пристапен терен, до кој се стигнува само со теренско возило. Кога околу 23 часот стигнавме во атарот на село Степанци, не забележавме ниту трага од инцидентот, ниту полициски возила и службеници.

Можеби ќе ве интересира: