Се создава нов моќен премиерлигаш

Новите Саудиски сопственици на Њукастл Јунајтед ќе инвестираат дури 250 милиони евра во клубот за да го вратат клубот во Лигата на шампионите, каде последен пат играа во сезоната 2002/03.

Додека се чека официјалната потврда на Премиер лигата за промена на сопственоста на клубот, на Сент Џејмс Парк веќе се составува тимот со нови имиња.

Фондот за јавни инвестиции во Саудиска Арабија (ПИФ), предводен од принцот Мохамад бин Салман, одлучи да го купи клубот од Мајк Ешли за 343 милиони евра, а новите сопственици обезбедија и 250 милиони евра за купување на играчи и реновирање на објектите на клубот.

Менаџерот Стив Брус ќе добие околу 150 милиони евра за да го состави тимот, а прва цел е да се врати во Лигата на шампионите.