![zaevi doniraa motori za policijata](https://i0.wp.com/batali.net/wp-content/uploads/399839287_886293826200891_6496246042523245385_n.jpg?resize=618%2C300&ssl=1)
Во кругот на Министерството за внатрешни работи беше предадена донација од Фондацијата „Заев“, која се состои од 6 мотоцикли за потребите на МВР и македонската полиција.
Директорот на Фондацијата и експремиерот, Зоран Заев, ја предаде донацијата на министерот за внатрешни работи, Оливер Спасовски, со цел, како што беше посочено, подобри резултати на повеќе организациски единици при Министерството.
![](https://i0.wp.com/batali.net/wp-content/uploads/399825835_886293846200889_4657517586029550721_n.jpg?resize=618%2C412&ssl=1)
„Министерството за внатрешни работи има силен сојузник во Фондацијата ‘Заев“, чија помош и поддршка се од огромно значење за дополнително зајакнување на капацитетите, а со цел зголемување на ефикасноста при оперативното работење на единиците при МВР. Тоа значи дека го модернизираме возниот парк по највисоки стандарди, а со тоа придонесуваме кон уште поголема безбедност на граѓаните и државата“, објави МВР.
Министерот Спасовски во свое и во име на МВР изрази благодарност до Фондацијата „Заев“ за оваа важна донација, при што истакна дека безбедноста зависи од секој еден, ја креираат сите општествени фактори и е од клучна важност да се препознае општествената одговорност, а потоа и да се дејствува во таа насока. Воедно, Спасовски потенцира дека мотоциклите се наменети исклучиво за оперативната работа на полициските служби.
Можеби ќе ве интересира: