Со нови бои, ново лого и нов, модерен дизајн на сите пакувања, Жито Лукс го претстави својот нов визуелен идентитет. Унапредувањето на постоечкиот изглед на брендот e одлука на компанијата направена по низа испитувања на мислењето на потрошувачите и нивната перцепција за брендот.
„Огромен е предизвикот да се направи промена, посебно кога се работи за етаблиран бренд со долга традиција и голем успех на пазарот. Но, времињата со себе носат потреба за промени на сите полиња. Покрај низата инвестиции со кои Жито Лукс во последните неколку години работи на подобрување и унапредување на производниот процес и на квалитетот на производите, беше потребно тие промени да бидат поддржани и со модернизација на сопствениот изглед со што би се зајакнала и перцепцијата на купувачите, посебно на помладите генерации за брендот”, изјави Генералниот директор на Жито Лукс , Димитрис Плакуцис.
Боите и формите на новото лого ги поврзуваат двата извори на живот, сонцето и лебот, а неговата динамика го отсликува стремежот на компанијата за постојано движење во насока на позитивни мали и големи промени што дополнително ќе овозможат раст, развој и просперитет.
Енергијата што зрачи од новите пакувања има за цел дополнително да го нагласи врвниот квалитет на производите на Жито Лукс како предуслов за создавање задоволни и лојални потрошувачи.
„Во сите елементи што го отсликуваат нашиот нов визуелен идентитет сакавме да ја нагласиме симболиката, но и да ја задржиме традицијата што се гради веќе 78 години од многу генерации кои со својата работа и труд успеаја од Жито Лукс да создадат лидер во мелничко-пекарската индустрија”, велат од Жито Лукс.
Новиот изглед, како и идните развојни планови, компанијата ги претстави пред новинари, креатори на јавното мислење, вработени и дел од потрошувачите.
https://www.youtube.com/watch?v=LQXF9cPVWO8&ab_channel=ZitoLuks%2F%D0%96%D0%B8%D1%82%D0%BE%D0%9B%D1%83%D0%BA%D1%81
ПР ТЕКСТ
Реклами:
