Шпански научници дојдоа до вознемирувачко откритие: Коронавирусот не потекнува од Кина, туку од Европа

Шпанските виролози пронајдоа траги од коронавирусот во примероци кои се земени од отпадните води во Барселона во март 2019 година, девет месеци пред да се идентификува Kовид-19 во Кина, објави денес Универзитетот во Барселона.

Доколку биде потврдено дека вирусот во Шпанија бил присутен уште тогаш, тоа би значело дека болеста се појавила многу порано, отколку што научната заедница мислеше.

Тим од Универзитетот во Барселона, кој, во средината на април годинава, правел тестови на отпадните води, за да идентификува потенцијална нова епидемија, одлучи да ги провери и постарите примероци.

Тие откриле дека вирусот бил присутен во Барселона на 15 јануари 2020 година, дури 41 ден пред првиот случај во тој град, официјално да биде регистриран.

Тимот потоа извршил тестови на примероци земени помеѓу јануари 2018 и декември 2019 година и открил присуство на геном на вирус во еден од примероците, кои биле земени на 12 март 2019 година.

Досега во Шпанија од коронавирус починаа повеќе од 28 000 луѓе, а речиси 250.000 се заразени.

Можеби ќе ве интересира: