Американскиот амбасадор: Земјава треба да почне со отворање на преговарачката рамка со Европската Унија

Амбасадорката на САД во земјава, Кејт Мери Брнз смета дека Македонија треба да почне со отворање на преговарачката рамка со Европската Унија и земјата да напредува од сите аспекти.

-Влегувањето на Северна Македонија во НАТО беше голем исчекор и веќе ги гледаме резултатите од тој потег на терен. Затоа нам ни е важен и следниот чекор, Северна Македонија и целиот Западен Балкан да се придвижи кон единствена, безбедна Европа. Тоа значи интеграција во евроатлантските институции. Мислам дека зборувате за вистинската фрустрација, која и јас ја слушам, зашто процесите не се одвиваат доволно брзо, рече Брнз во интервју за ТВ21.

Таа истакнува дека во моментов е неопходно повторно да се придвижат тие процеси, да се забрзаат напорите и да ја видиме Северна Македонија целосно интегрирана.

Во контекст на односите помеѓу Бугарија и Северна Македонија таа вели дека е охрабрена од обновените дипломатски разговори помеѓу двете земји.

-Охрабрени сме зашто сега постојат и работни групи кои работат не само на решавање на билатералните прашања туку и на воспоставување долгорочна соработка што ќе им оди во корист на граѓаните на двете држави и ќе помогне да се промовира идејата дека пристапниот процес за ЕУ е во најдобар интерес на двете држави, порача Брнз.

Можеби ќе ве интересира: