BATALI.net Батали работа, ко да ти е сабота 
Четвртото издание на натпреварот Christmas dance competition, ќе се одржи во сабота на 16 декември во Велес. Организатор на овој танцов натпревар е балетското студио „Анабела“. Натпреварот ќе се одржи на сцената на велешкиот театар, а љубителите на танцот ќе имаат можност да уживаат во повеќе од 12 часови исполнети со танц. Околу 1300 учесници од цела Македонија ќе се борат да остават најдобар впечаток пред судиите и да заминат со што подобар пласман од овогодишниот Christmas dance competition.
Содржината продолжува под рекламата
На точно една недела пред почетокот на натпреварот, организаторот, Цеца Пајдакова информира дека речиси половина од македонските танцови студија и клубови имаат пријавено учество. На сцената ќе настапат танчери од Охрид, Гевгелија, Прилеп, Штип, Скопје, Пробиштип, Кочани, Куманово, Неготино, Струмица, Кавадарци и се разбира Велес. Распоредот е направен според возраста , категоријата и танцовата дисциплина во која се пријавени учесниците.
Содржината продолжува под рекламата
Од Анабела, изразија благодарност за соработката со велешки театар, со оглед на убавината и ефектот што може да се постигне, кореографиите да се изведуваат токму на сцената. Очекуваат дека велешани ќе се покажат како добри домаќини и ќе покажат трпение во однос на сообраќајот со оглед на големиот број на учесници кои во текот на целиот ден ќе пристигнуваат.
Велес и велешани, како и гостите од сите градови кои се љубители на танцовата уметност ќе уживаат во кореографиите на натпреварот, а градот ќе биде горд на уште еден настан што ги спојува младоста, музиката и танцот.
Можеби ќе ве интересира: