Основниот суд во Велес денеска треба да ја соопшти пресудата за поранешниот градоначалник Славчо Чадиев и екс претседателот на Советот на општината Александар Колев.
Двајцата се обвинети за злоупотреба на службената положба. Според обвинението, Чадиев како градоначалник, на претседателот Колев му дозволил да управува со општинско возило и да точи гориво со буџетски пари, спротивно на правилникот на општината и со тоа општинската каса ја оштетиле за 170 илјади денари.
Славчо Чадиев беше градоначалник на Веелес во периодот од 2013 до 2017 година, а во исто време Колев ја извршуваше функцијата претседател на Советот на општината.
