На Европското првенство во кајак учестуваа 18 земји. Натпреварите кои се одржуваат на река се натпревари во диви води, додека оние што се одржуваат во канали и на езера се на мирни води. Традицијата во кајакарството во Велес започнува со гемиџиите кои скалареле. Ова е традиционален спорт во Велес. Од десет клубови во земјата, пет се од Велес и има над 200 натпреварувачи, дел рекреативци а дел професионалци, вели кајакарот Љубомир Спасиќ, директор на Европското првенство, во СТУДИО 10 на ТВ 24.
Содржината продолжува под рекламата
„Кајакот на диви води се дели на спуст и слалом. Ние имаме традиција од 50 години во кајак-слалом и тоа е спуст низ т.н. врати. Кајак-спусот нема врати има само старт и финиш и натпреварувачите треба што побрзо да ја поминат патеката“, објаснува Спасиќ.
Содржината продолжува под рекламата
Во врска со учеството на Олимпијада, Спасиќ вели дека Ангелче Петрушевски има успеси, а сега во Лондон очекуваме да освои номинација за олимпијадата. Александар Златаров, пак, за првпат успеа да дојде до 15 место што е за поздрав. Во тимски спуст го освоивме осмото место од 15 тимови, објаснува Спасиќ за успесите на кајакарите од Македонија.
„Ова е скап спорт оти кајаците и веслата се изработени од карбон. Еден кајак е околу 3000 евра, а едно весло е околу 700 евра. Тие иако изгледаат габаритно се многу лесни – 9 килограми за кајакот и 1,5 килограми за весло“, објаснува Спасиќ.
Тој додава дека помош се добива од Агенцијата за млади и спорт и Кајакарската федерација, а недостасува поддршката од приватниот сектор.
Можеби ќе ве интересира:
