Претседателот Доналд Трамп го помилува својот поранешен висок советник за безбедност Мајкл Флин

Претседател на Америка во заминување Доналд Трамп го одобри помилувањето на неговиот поранешен советник за национална безбедност, генерал Мајкл Флин, што медиумите го толкуваат како негов последен потег во претседателскиот мандат.

„Голема чест ми е да го објавам целосното помилување на генерал Мајкл Т. Флин”, напиша американскиот претседател во заминување на Твитер. Сигурен е дека „Флин со семејството сега ќе прослави фантастичен Ден на благодарноста”, дополни Доналд Трамп.

Во декември 2016 година, во периодот помеѓу победата на Трамп на претседателските избори и стапувањето на функцијата, Флин разговарал со тогашниот руски амбасадор во САД околу санкциите против Русија. Поради тоа, во февруари 2017 година, поднесе оставка по само 24 дена како советник за национална безбедност.

Претходно, американскиот претседател го помилува Роџер Стоун, неговиот долгогодишен близок соработник, само неколку дена пред Стоун да се јави за издржување на затворската казна.

It is my Great Honor to announce that General Michael T. Flynn has been granted a Full Pardon. Congratulations to @GenFlynn and his wonderful family, I know you will now have a truly fantastic Thanksgiving!

— Donald J. Trump (@realDonaldTrump) November 25, 2020

Можеби ќе ве интересира: