Пациентот кај кој беше регистриран делта сој на коронавирусот, од денес е дома. Тој беше хоспитализиран на инфективното одделение во велешката болница. Од таму денес соопштија дека пациентот го победил вирусот и дека е пуштен од болница.
“Кај пациентот кај кој беше детектиран делта сој, во текот на вчерашниот ден земен е контролен брис, истиот е негативен и е испишан од болничко лекување. Во моментов на Инфективно одделение нема потврдени ковид пациенти, ниту суспектни, соопштија од велешката болница“, рече др. Елеонора Јованова, портпарол на Општа болница Велес.
Инаку денес е потврден и втор случај на делта сој во Велес.
“Пациентот е во болница. Денеска ќе бидат готови резултатите за уште четворица други пациенти. Сите четворица се лекуваат овде во Скопје, а еден од нив е со потешка клиничка слика и е на респиратор, другите се со стабилна состојба”, изјави министерот за здравство Венко Филипче.
Можеби ќе ве интересира:
